雖然我同朋友報既導賞團下午先開始，
發覺原來很多人假日都喜歡到米埔附近看雀仔。有些人踏單車來, 有些就駕車入來看。所以行入去集合地點都有很多車往來。
今天帶了一支長鏡一同來，但都知道要影到的機會很渺茫，
雖然已經一早就出發，但來到集合地方都只係剛剛好。據我所知，
我們今次既團係有導遊的。
以下係一些當日影既照片:
面對成千上萬既雀鳥，真係有感大自然的偉大。自己是一個十分喜歡動物同愛護動物既人，如果將來這片美好的土地被破壞，真是十分之可惜。
最後，除了雀鳥，我想介紹以下的一種魚類給大家認識。大家知不知道是什麼魚來?
佢叫彈塗魚，以前常常都聽到佢的名字，但就沒有機會見過。今次米埔之行就有機會見到，不只是一條，而是成千上萬，放眼望去，好像一片大海一樣。我想彈塗魚都是吸引那麼多雀鳥來的原因。
]]>琴日聽到一單新聞十分之感觸, 一位前香港足球員蔣世豪在家墮樓身亡。在香港做足球員從來都沒有保障。如果我當時不顧一切去做足球員,現在會是如何?我真是想不到。足球從來都是我的夢想,而夢想永遠都是脫離現實。有時放棄夢想並不是錯,此路不通唔通依然要撞埋去?
記得大學時自己的興趣是讀經濟,覺得demand, supply的圖表十分之好玩,再加上當時經濟科的成績十分之好,所以希望第二年揀主修科時修讀經濟。當時父母十分之反對,認為修讀經濟將來出路十分之狹窄,而堅持我選修會計。如果當時不聽父母的意見,究竟我會怎樣呢？
年青人是反叛的,但作為父母有時真的要幫子女做一些選擇。當時的我真的怎樣都不懂,沒有能力去判斷。雖然若干年之後我都沒有從事會計,但那時候我已經有足夠的能力去判斷同去承擔。 時時去會計的討論區都聽到有些未入行的人批評一班做了一段時間的會計人「唱衰」會計業去使少些人入行去搶飯碗,但很多時他們都忽視了很多事情其實都是他們的經驗之談。
我在這裡奉勸未入行的人,不聽老人言真是會吃虧在眼前的。
- Posted using BlogPress from my iPad
]]>但今年佢十分之可憐,因為佢生日果日整親隻腳,要去睇醫生。醫生話佢菠蘿蓋移左位,最好都係做手術。不過佢十二歲去做手術,我都有些少驚同擔心。 對我來講,佢是我的最愛。見到佢行路都十分之辛苦，覺得十分之心痛。
每一年我的生日願望都是希望佢健健康康開開心心。 我最希望可以多些時間陪下佢,始終對於佢來說，我就是佢的全部。 幸好這幾天是假期,我可以留在家陪佢。 希望拖肥可以快些好返,之後可以同佢去街街玩。
- Posted using BlogPress from my iPhone
]]>
星期六因為要去元朗一間中學教學，所以有機會去元朗一趟。
元朗確實是一處美食天堂。元朗大街兩旁都有很多東西食。今日連甜品在內，吃了三間餐廳。有些可能都有些名氣，有些可能只是茶餐廳，但一般來說，都比在市區食好食很多。香港市區的租金可能真是太貴，很多餐廳都將貨就價，食材可能因此並不是最上乘。
當日下午由於時間關係只可以在元朗西鐵站附近找了一間泰國野食，裝修並不是十分之豪華，只是街頭的一間小食店。我叫了碟炒金邊粉都只是三十多元，但是火喉十足，而且炒得相當均勻。相較早前係中環既翠河食過的炒麵，又一些咸，又一些沒有味，這裡的炒粉十分之有水準。
晚上教學完了之後去了近大坑渠側的岩手拉麵，食過都幾好。麵身很爽，湯底濃郁，而且價錢十分之便宜，只是三十多元。另外都叫了一份海膽薯餅，都十分之香脆。自己十分之喜歡日本野食，這間店雖然十分之細，得十個坐位左右，但水準都算唔錯。
食完拉麵之後，就去了食B仔涼粉，但唔係食佢個招牌菜，而係食佢既燉蛋。如果佢同出名既義順比，佢有過之而無不及。蛋身十分之滑，唔會好似水咁。唔記得之前係邊到食過，十分之差，燉蛋好似水咁。不過這裡就十分之唔錯！
如果大家有時間，就多些去元朗行下，可能你會發現更多好野食的。
- Posted using BlogPress from my iPad
]]>
很久沒有一個電視節目令到我看得咁投入。為了這個節目，我差不多夠鐘就準時回家。為了這個節目，我全家總動員，一個就負責撳制，一個就負責監察Facebook及newgroup群組，兩手準備去「應付」這個節目。
究竟這個是什麼節目可以令到我再寫久違了既博客，真係不吐不快？
這個節目就是Now全新既電視遊戲節目 – 撳錢。撳錢究竟有什麼吸引？吸引既地方除了每晚都有機會贏得十萬蚊之外，另外就係可以全家人一齊搵答案，一齊投入玩這個遊戲。我贏過未？我都想呀！不過次次都係輸在第四條度，其他我完全識得答哂的！不過其實都唔係我見識廣博，而係現在是一個Web 2.0的世代，很多事情都是靠網絡力量，找答案要靠Google，唔識就要上Facebook或Newsgroup問人攞意見。一個人力量有限，但集眾人之力當然勝過十個諸葛亮啦！希望可以有機會贏到啦！
希望在明天，所以現在每晚都要十時半前返到屋企，唔OT啦！
]]>今日一早拖肥就扭計，唔俾我返工呀！
發出咁可憐既聲音，真係唔捨得留佢係屋企呀。真係想可以多些時間和佢玩。希望今個星期六或者星期日天氣和暖，可以帶佢出去玩啦！
依家拖肥已經十一歲，年紀比較大，所以出去都是小心些，要著多些衫。
拖肥你係我的最愛!
I LOVE YOU!
南生圍 - 一處我想去很久的地方。
聽聞這裡是香港其中一處攝影影點。因為四周都長滿蘆葦，加上一大片濕地及紅樹木，對於拍攝人像特別有一番味道。
記得已經講過無數次，一定要到那裡一趟，但最終都因為種種原因未能成行。不過，可能要再一次看到這次美景，要等十年八年了...
(PS:上圖是這位網友的作品)
上個星期「一宗」(其實是兩宗)山火，差不多摧毀了整個南生圍。從攝影札記的照片看到，一大片蘆葦已經燒毀了。
十分之令人心傷。郊外美景，是香港人的遺產。不知那裡來缺德的人留下火種引起，還是有些想在這裡發展的人刻意將那裡燒毀!一個月內17次山火，絕對不是偶然的。不過這些要查，根本政府部門就不會去理會。這個政府要「牠們」去做些保育工作，真係談何容易？很多香港人的回憶、寶藏，「牠們」都是除之而後快，以免阻礙發展大計。現在真是「天助佢也」，地就已經夷平了，前面還有什麼阻礙?
為了保護香港留下來的瑰寶，我們不要坐以待斃，要起來去保護所有碩果僅存的人間樂土。
facebook群組：萬人聯署‧決不讓南生圍淪陷！
facebook：南生圍現況
蘋果日報：城規會否決南生圍修定
]]>
祝大家新一年，事事如意!
今年，對於我，是一個新開始。我自己有一份新的工作，新的職位。面對前面的挑戰，要勇敢些去面對。
(PS:上圖是借用於SSWong在hkpcug所post的圖)
對於新一年會有什麼期望？
首先是做好自己份工作，係工作中尋求滿足。感覺上，工作環境開開心心，對於我，真的十分之緊要。從前，工作環境不好，做得真係唔太開心。希望轉了工作環境，將來一年會好些。雖然成為大律師係我的夢想，但始終都係一個賭博，亦都認為轉去做係唔成熟的表現。新工作都是和從前training既時候一樣，係從事corporate的有關工作，如IPO、M&A等，都是一些商業上和上市公司有關的工作。
另外就是希望遲些有機會上到星期三的攝影班。我剛剛報了名參加這個由香港著名既攝影師Felix So所教的數碼商業攝影班。雖然有持續進修基金，但都要上夠一定的堂先可以claim得返。不過，我認為上這堂都應該值得的。由我買了單反到現在都一年有多，但自己感覺都唔係影得很好。買就已經買了很多參考的補充書，但要運用就一定要人教。同我之前讀法律一樣，我都是喜歡人教，先會吸收得好些。自己不是那種自修類型既人，有一個好的導師係會令你行少了很多冤枉路的。我不是期望讀完之後可以做到大師，但對於提升自己的攝影水平同觸角會有一定的幫助。
來年都伯盡量寫多些文章，影多些靚相放上我的Blog內分享。
]]>
政府近來常常強調愛國教育，希望中小學生愛自己的國家。要人愛你的國家，首先就是認識這個國家的歷史。近來香港教育制度進行所謂的改革，引入「通識 科」，加強學生的普通常識從而培養學生的批判性。但是在引入「通識科」的同時，就削減其他科目，如「中國歷史」。這些完全是反其道而行！試問一個人連自己 國家的歷史都不大熟識，又怎麼能愛自己的國家呢？
作為一個香港人，我真的不明白為什麼從來都沒有一科「香港歷史科」？可能是有很多「黑歷史」，特區政府不想去面對。
近日我去了一個在香港歷史博物館的一個有關「香港歷史」的專題展覽，其中展出了很多香港過去變遷的物品及相片，對大家認識香港有很大的幫助。
中學時都有讀過，從前香港是一個漁港。由漁港發展到今時今日的香港，靠的是什麼？靠的就是香港人發揮努力不懈的獅子山精神。但是這又唔代表這種精神可能俾人濫用，用這些作為藉口去剝削。社會緊榮，公司業績好，並不是一個人的貢獻，而是所有人上下一心既成果。
以前香港都有很多人種稻米的，但隨著社會發展及在內地輸入稻米，我想現在都沒有人種了。最近有朋友和我說現在周末都會到鄉郊地方種菜，我都想有機會體驗一下。我想都應該十分之辛苦的。加上自己是熱底人，去田度工作真係會熱死我。
展覽都有介紹在1967年在香港發現的李鄭屋古墓。時時都想去一趟，但都苦無機會。原來當年是在建屋村時無意中發現這個古墓。唔講唔知道原來古墓是沒有任 何仙人在那裡安葬的，裡面只是發現一些陶瓷、鐵器等。我真是十分之好奇，究竟原本想安葬在那裡的仙人出了什麼事所以最後沒有在那裡安葬呢？是否遠行出了意 外？是否在外地遇上盜賊？回鄉時遇到海盜、遇到風暴？這些都是永遠沒有答案的。
這是誰？他叫林則徐，是當時清朝的官員。他和香港有什麼關係？當年滿清政府積弱，外國各國想同中國通商無所不用其極，甚至賣鴉片俾中國國民。林則徐看見中 國百姓食了鴉片煙之後既苦況，所以決定將所以鴉片銷毀。亦因為這樣滿清政府同英國爆發了戰爭，又名「鴉片戰爭」。當時滿清政府當然唔夠英國佬打，所以打輸 了之後就要被迫簽署不平等的「南京條約」，其中將香港割讓了給英國。
這是一張銀票。係TVB既古裝劇常常見到一大疊那些就是這些銀票。
這張合約有什麼特別？這是當年日本仔侵略中國投降之後，和當時的香港政府所簽既和約。
這是當年日本皇軍用過既鎗。其實，對於香港淪入的這段歷史，我都想多瞭解。家中有一些「傳家之寶」，可以說是當年日本攻打香港的歷史瑰寶。話說當年日本仔攻打香港，我的爺爺和嫲嫲都有經歷過這段三年零八個月的黑暗時間。當年日本對香港人採取十分之高壓的手段，除了好像「義海豪情」裡面描述一樣，見到日本皇軍要鞠躬，家中更不可以私藏一些當時的報紙，否則被發現就會打靶。很多年後嫲嫲家要換傢俱，在一張準備要掉的梳妝台內的鏡子中發現了很多當年日本攻打香港時期的報紙。原來當年爺爺鬥那張梳妝台時(我的爺爺是一個木匠，很多家裡的傢俱都是佢做的。就算連石屎露台都可以自己整的。可惜自己就學不到這些手藝，最多是在家裡整下廁所水喉。當年應該暑假去學下裝修，可惜沒有學到。），用了些報紙去穩定鏡身。現在那些報紙就成了我們家的「傳家之寶」，因為當年真是沒有人敢去留這些報紙作紀錄的。
制水的日子唔知大家又記得幾多呢？我自己就沒有什麼大印象。不過印象記得有好像試過落街幫手攞水的。我們這一代人其實都十分之幸運，沒有受過三日一個供水既制水之苦，所以我們要記得節約用水。
板間房，唔知幾多人住過呢？現在香港生活富足，但其實還有很多人住在比照片中見到的地方還差的環境。
原來舊時去涼茶舖係有流星機點唱的，真是不知道。記得有一段時間，麥記都有點唱機的，不知道現在還有沒有呢?
雜貨店真是買少見少。現在可能找過西瓜波踢都不是易事。看到這些舊店，不其然有些感慨，我希望由現在起多些將這些香港回憶用我的照相機記下來。
讀小學時，我就讀的學校小賣部都有賣熱維他奶。但不知為何，自己唔係太喜歡這種酸味。
大家有沒有看過「大時代」？當年要入去交易所做出市代表就是穿這件背心了。Listing Rules自己就對得多，但自己都未曾去過交易所參觀。其實每日交易所都有tour的，而且費用唔貴，大約20元。
現在交易所已經電子化，但當年交易所既交易都係用黑版係度對盤的，真係不知道交易量那麼大，用黑版是點樣做的？
最後就介紹這張出市代表既membership card。係唔係好特別呢？我想要拿到這張證都唔容易，一定要有頭有面先可以拿到。
]]>
人長大了，不要說唱K，連聽歌都已經很少。但是女朋友就非常喜歡唱K，所以近來都多了去唱。曾幾何時，唱K是本人之最愛。當年卡啦OK開始流行，我家已經 買了最新的LD係屋企高唱幾曲。還記得當年第一隻卡啦OK應該是譚校長出的。之後有更多歌手出卡啦OK，我都有購買。現在那些LD依然原好無缺收藏在我的 家裏。當年很多同學都會到我家唱K打牌，十分開心。
因為愛唱K，曾幾何時都幻想自己可以成為一個歌手。中學時期，我都參加過幾次的歌唱比賽，不過都不是一個很好的回憶。為什麼呢？有一次比賽，我選擇了一首張學友的「夕陽醉了」作比賽。賽前我都練習了好幾次，我都滿有信心的。
比賽是安排在中午午飯時舉行，而剛巧我就被安排在最後一個出場。可能是之前超時，又可能我選曲不當，選了一首中段Bridging很長的歌曲，又有可能我的歌藝真的很不濟，到我唱時唱了一半就俾人「鈴」了落台。比賽完後，返到課室，還俾老師串，真是日無奈。
過了這麼多年，這件瘀事，沒有使我難堪，反而成為我中學的一個很好的回憶。
之後，去了加拿大，但依然十分之喜歡唱K。剛到加拿大時，我記得d歌係十分之舊。去一次K都十分之貴，所以都不是常常去。其後，越來越多人唱K，那裡的K越來越平，我都時常去。
不過近年不知是否人大了，唔好講唱K，連聽歌都很少。可能有時到年尾的頒獎禮先叫做第一次聽那首歌。
近來由於女朋友愛唱K，我的唱歌癮又出返哂來了！不過都只限唱金曲當年情，熱唱新歌就欠奉了。
]]>
馬照跑、舞照跳。
作為香港人，真係有機會就入來馬場看一看跑馬。上個星期，難得跑馬地跑日馬(近我屋企)，所以就走左去影馬。
去到，周圍好像很靜，還以為當天沒有馬，跑原來公眾入口係離銅鑼灣很遠的。不知為什麼，當天入場唔駛錢。入到去，已經看到很多人了，還有很多booth賣野食賣野飲，個氣氛都相當不錯。
可能同之前馬場舉辦啤酒節關係，入到去有很多booth賣啤酒同小食。可能我去那時已經很晏，所以好多都賣哂。
今次係我第三次入馬場。第一次已經很久很久既事。第二次係三年前，當時是收到馬會一封邀請信請了我去跑馬地既餐廳食buffet。記得當時有一隻馬叫拖肥糖同我家的拖肥一樣名字，所以就買了獨贏100元，之後竟然羸左！真係唔好意思(哈哈！)，有食有拿。記得那裡都幾好食，平時去食都唔平的。不過那次沒有得看現場跑馬，因為在沙田那裡跑。
（PS:我不是那個肥仔，我已經減左肥！）
入來馬場，第一個印象是很多人。可能我已經遲了去，早些去應該更多人。那天天氣都不錯，唔太熱。我最怕就是熱了，不過為了拍照，為了藍天白雲，熱都沒有辦法。
雖然馬場不是大自然，但可以見到動物，我就最開心。其實係沙圈影馬都唔易影，周圍太多人了，想找個好些既位都沒有。
到馬場影馬，重點當然是馬。之前聽到有朋友來這裡影相，所以都想來影一次試下。第一次來這裡，最難就是找位置。周圍都是人，想找個有利位置都難。通常都是馬匹在沙圈時就要到圍欄度霸位。我自己很喜歡上面那幅，十分之有動感。
這些是負責維持賽事秩序的馬會職員。令我記起以前住係多倫多時候的加拿大皇家騎警。以前係downtown時時都見到騎警係馬路上巡邏，我真係覺得佢地好威風。在加拿大時沒有去學騎馬，現在真係好想學呀！因為自己不是生得高大，但是我想當我騎在馬上一定很威風凜凜的。
講開馬，外國馬同中國馬真係有很大的分別。外國馬又高大又靚，難怪之前內地拍「新三國」時就用了外國馬做赤兔馬，之不過就鬧出笑話。因為「赤兔馬」是由外國入口，所以有眼利既觀眾就發現到「赤兔馬」身上竟然有英文字"CR"既字樣。
(PS: 大洋網照片）
來到馬場，當然是賭返兩手。我都認為「小賭可以怡情」。自己對於賭波賭馬都沒有太大興趣，不過得閒玩下，我就唔多反對。在香港可以合法賭馬，係中央政府給予香港人的其中承諾。係那麼多「承諾」之中，賽馬已經是少數獲得對現，如果唔入馬場玩下，等將來釋法，你想玩返兩手都沒有機會。
我買了第八場連贏1搭7號。其實我連什麼連贏、位置、位置Q都不太懂。看到大螢光幕的賠率表，真係看死我，看來看去都不太明白。 另一個難題就係填飛，看了很久都不懂得填。幸好，有靚靚既賽馬會姐姐幫我填。有一樣野，真係應該讚下馬會。為了等一些新手入來玩，馬會印製了一些快速指南，幫助新手選擇馬匹。內裡有十分之詳細既資料，如最近五場往績、有沒有跑過同類既場地等。有份指南還有中英文版本的！雖然這些都有參考作用，但我都是信我的眼光。係沙圈，見到隻馬十分之有神，我就知道佢一定可以跑出了。
這個就是終點。那麼結果是?
我眼光獨到，當然最後緊係贏左啦！雖然唔係贏得好多，二百蚊左右，不過都好開心。希望有機會再來馬場玩過，可以有開心又有錢拿走。
後記：近來馬會建議在便利店開設售賣機供市民買六合彩、馬及波。這個建議當然有很多道德塔利班反對，認為助長賭風。自己在外國生活過，大部份便利店都有得賣649及體育彩票。我就唔見得咁樣會多些人賭錢。始終要賭的就有方法去賭，多些便利店對佢沒有多大影響，因為很多人已經可以係網上投注。不過，最後都是記住「小賭怡情」啦！
]]>
早兩日同一班朋友去了一個係香港暫時尚未受污染既世外桃源 - 鹹田灣。我們打算由西灣亭出發，再到西灣，之後再去我們的中轉站鹹田灣。然之後，經過大浪坳及赤徑，最後到達北潭凹完成成個行程。
其實，我已經不是第一次去的。上一次去都是大約三四年前，今次去到俾我的感覺沒有多大改變。係就係多了一些士多同房屋，但沙灘依舊漂亮。較早前從新聞看到西灣俾大陸來的富豪破壞，已經很想來看一看，今次終於都有機會。原本上星期都以為去到了，當時天文台預測今個星期會有颱風，還要是一個「Super」的颱風。幸好天公造美，終於有機會去探究這片世外桃源。
首先我地係西貢碼頭集合，之後就撘的士去我地既起點西灣亭。其實，除了撘的士之外，都可以係西貢既麥當奴對開撘小巴來這裡。之不過，班次比較疏。如果多人行山，都是撘的士比較穩淨，車程大約20分鐘，去到大約80蚊左右。
行了一陣，盡入眼簾是一片美麗景色。放眼望去，一片綠油油。鬱悶的心情，一掃而空。不知今年是否很少打風，水塘的儲水不是太多。香港現在已經很少依賴水塘的儲水，如果唔係可能我們這一代還要受制水之苦。
沿途都有很多指示牌，所以唔會迷路。基本上，由西灣亭到鹹田灣都是一條路的。雖然當天都有些少曬，但都有些風，所以唔算得上太辛苦。當日我都帶備足夠的水(有一公升，同朋友借的寶礦力粉)，裝備包括：行山杖(我自己覺得就十分之有用，可以係上上落落時借力)、帽(這是行山用的帽，有條繩可以穿住，大風都唔會吹走。還有一塊在頸後的布，成個Keroro軍曹咁)及一條小毛巾。記得上一次來裝備不足，真係行到想死，所以今次真係有備無患。不過，有一樣失策是穿了一條黑色的運動褲，十分之吸熱。另外，我都準備了一些麵包而備不時之需。不過，最要緊的都是行山前食早餐。天氣嚴熱，如果空肚去就很容易中暑。當日就有朋友不聽勸告，之前沒有食早餐及帶備充足的裝備食水，差點在山上暈倒。
沿途除了景色，還有很多自然界的昆蟲、動物，希望這些美麗的事物不要俾破壞。
很快就到了西灣。這裡有些士多，我們就選了其中一間歇一歇腳。朋友們點了些豆腐花，不過看來不是太美味。
不過，這裡吸引我是店主養的一頭鸚鵡。佢很有個性的，你行埋去，佢係唔理你的。但你唔理佢，佢就會叫你。最好笑係朋友問佢點解會咁，佢竟然懂得答返我地，仲要十分之串咀話：「我係咁架啦！」(原汁原味，一字不漏的轉述。)其實，動物真係十分之有靈性。聽聞鸚鵡十分之長命，平均有50歲壽命。很久之前，去了朋友親戚屋企看見兩隻鸚鵡覺得十分之得意，因為你同佢傾計，佢是懂得答你的。很多人都說鸚鵡是學人講說話而不懂得思考，我就不太同意。因為同佢地相處，我真係覺得佢地是懂得思考的。
這就是我們第一站 - 西灣。西灣因為較早前蒙古能源主席魯連城計劃於這裡興建私人別墅而為人所關注。這裡景色優美，放眼望去，眼界非常之廣闊。之不過，這裡的沙粒比較粗糙，並不適合在這個沙灘玩。當日看到有人在對外玩水上電單車，同很多人在拍照。
美麗景色，真是拍照的好地方。除了海灘下，還有岩石群。我相信如果你喜歡釣魚，這裡是一個好地方。
十分意外，經過亂石群，竟然見到一隻野身的蜥蝪。我常常以為只有寵物店先會看到。我想可能佢看到天氣那麼好，出來曬下太陽，呼吸下新鮮既空氣。我真是要多些接觸大自然，原來香港還有這麼多得意的地方。
這是西灣的全貌。
這個是被稱為「史諾比島」的島嶼，佢好像史諾比訓係度一樣，大家覺得似嗎？
這就是我們的中途補給站 - 鹹田灣，亦都是我想來這裡的目的。這裡真的很靚。自此幾年前來過，一路都想來。不過，之前自己只是來過一次，真的不太敢自己來這裡，始終行山都是多人安全些。加上，自己沒有太多行山經驗，真的很容易發生意外。聽聞(網上流傳)這裡一帶可以被稱為香港的「百慕達三角州」的，常常都有些人好似走左入一些結界或者迷宮一樣，不知道去了那裡的，所以真係要小心些。
水清沙幼，這裡真的十分之美麗。由於這裡人煙稀少，所以都可以保留景觀不受外間有太多破壞。雖然自己去過的沙灘不是太多，但這裡可以說是其中一個最好的沙灘。不過，可能那裡風浪比較大，唔太適合游泳，加上又沒有救生員，所以都是拍拍照，在岸邊玩玩水就比較好了。
當然，那裡有很多美麗的金髮比堅尼女郎，十分之養眼。
這個沙灘有兩間士多，有炒粉麵各樣供應，而且味道唔錯，火侯十足，就算平時出去茶仔都未必食得到。不過，飲品就唔太夠味，老闆話行山人不太喜歡太有味的飲品，不知道那是不是真的呢？要到那兩間士多，要行過一條自製的木橋。這裡都是很多人熱門的拍照地點。不過行過都有些驚，看來不是太穩淨。
補給完畢，飲飽食醉，就繼續上路。下半部路程唔係太吸引人，不過食完野充滿體力，加上下午沒有上午那麼曬，行得就比較舒服。去終點大約都要行多兩個幾鐘頭的。
沿途都有一些滑浪用品既地方，可能這裡都是適合滑浪多過游水。
行山最要緊就是留意行山途中既設施。我地行下行下遇到係鹹田灣其中一間士多既伙計。佢逢周末都會來這裡打工的。之前我們看到那個告示牌由鹹田灣行去北潭凹要行兩個鐘頭多些，但佢只需要行55分鐘左右就可以行完，行得真係快。佢同我地講要多留意沿途的行山號碼牌，打電話求救都是依賴那個號碼去locate你既位置。
下午天氣比較暗，行就行得舒服，但影相就沒有那麼靚。右邊那間小屋是香港青年旅舍協會，很多人會訂那裡玩的。
差不多到終點，看到越來越多小屋。
上一次來到差不多這裡就看到一隻猴子在屋頂上。我和我的朋友就不斷幫佢拍照，那知佢突然跳落來，搶了我朋友背包上的一包薯片，還要是黑椒味的，可惜今次就看不到佢。其後我的朋友在密林中看到猴子，但我就看來看去都看不到。我想牠們應該是給在金山郊野公園的猴群放逐出來的。
行了差不多全日，以為見唔到牛群，那知說時遲那時快就看到很多牛，大約有七八隻，還要企在路的兩旁。佢地十分悠閒，一邊食草，一邊係度擺尾，差不多擺到我。「牛大哥，唔該借借。」很辛苦先可以係佢地中間穿過。
終於都差不多到終點。
捨不得那些美麗景色，唯有下次再來過，希望自然景色唔會被破壞。
終點啦！
係左手邊有巴士可以去西貢市中心或鑽石山荷里活廣場。
行山真是有益身心的活動。記得上一次去，由於體力不繼，行一陣就要休息一陣。今次，由於常常做運動關係，連氣都沒有喘。下一次的目標，應該是想去地質公園的導賞團，希望到時可以影多些靚相啦！
]]>
之前去了海洋公園既全城哈囉喂，原本沒有打算去迪士尼既黑色世界。可能聽到太多有的迪士尼既負面評語，例如：地方細、裡面的遊戲係俾小朋友玩、很多內地來的「文明」內地人等．．．
難得這個周未沒有預計中的超颱風，沒有預算中的橫風橫雨，所以之前沒有Plan去那裡好。聽聞迪士尼附近的迪欣湖十分之美麗，加上自己帶了相機出來，所以就出發去那裡看一看，希望可以影到一些漂亮既相。
去到那裡，我就覺得十分之興奮，一來自己未來過，二來坐地鐵去迪士尼途中既地鐵上已經可以看到很多得意可愛既迪士尼人物。到達那裡時間尚早，大約都是5:30pm左右。看到迪士尼門外可愛既米奇在鯨魚上滑水，終於都是忍不住入一入迪士尼看一看。同售票處的職員傾過，原來迪士尼不同海洋公園那麼早開放，要大約6:30pm左右先開。見還有些少時間，所以就到了位於迪士尼北面的碼頭和酒店看。碼頭好像因為遲些有鐵人賽關係，所以沒有開放，不過都不知道個碼頭的船是去什麼地方的，因為左看右看都找不到有關的資訊。不過在碼頭那裡影相都十分之不錯，遠望出去的景色十分之迷人，加上有建築有歐陸風格的迪士尼酒店在旁，在那裡漫步格外舒服。大約差不多六時，就坐酒店的Shuttle Bus回程返回迪士尼正門。
正門那裡已經十分之多人，個個都在門前等入門。但相對起海洋公園，人流都不是十分之多。不過覺得唔同的是，去迪士尼玩的很多都是小朋友，但去海洋公園的多是十多二十歲的青少年。
6:30pm，樂園開門。我就把握時間影很多相。拿了地圖之後，就想想到那裡玩先才好。由於自己是第一次去香港的迪士尼，所以一切都十分之新鮮。入到去，第一樣見到的是一個富有美國特色的小鎮。可能自己比較為食，一想起美國小鎮就想起美國既粗薯條及熱狗。行了一會，在那裡已經看到鬼影幢幢，氣氛十分不錯。
由於未來過迪士尼，所以都不知去那裡。問一問工作人員，知道6:45pm左右，在美國大街小鎮會有Show看。所以我們都在那裡等了一陣，看一看商店有什麼東西賣。這場Show不算十分長，大約10分鐘左右。但是都十分之吸引，美國大街隨著漸漸入黑，穿著歐陸服裝的鬼鬼門都紛紛出來。整個美國大街都瀰漫著一片恐怖氣氛．．．
晚上的迪士尼的人流比較少。由於之前沒有來過，所以想找那裡有鬼屋玩都不是易事。今年的迪士尼設有兩個鬼屋，但我們都沒有第一時間去那裡玩，而是選擇去玩機動遊戲及滿足一下兒時的夢想。雖然自己不是第一次去迪士尼，但香港的迪士尼就是第一次，感覺很特別。上一次去洛杉磯的迪士尼剛巧病了，今次終於可以玩個痛快。
第一個站去了玩Winnie the Pooh，之後就迷迷糊糊地去了小小小世界。夜晚的小小小世界真是十分之漂亮。由於人流不多，所以都不用等太久。可能自己對自己夢幻的世界特別有好感，所以玩得特別開心。"It's a small world afterall" - 這個世界原來是十分之細，人對比起世界之十分之渺小的，所以應該把握有限的生命做一些有意義的事。
小小小世界入面，十分之華麗。看到來自不同世界造型既公仔真係想去旅行。現在最想去的地方是內地、日本及台灣，或是返回多倫多都是一個不錯的選擇，希望遲些有機會去啦！
在小小小世界入面聽到廣東話版的「世界真細少」，女朋友十分之感動，還留下淚來，因為在其他地方的迪士尼是聽不到廣東話版的。女朋友真是十分之可愛啦！
當然，裡面還有香港的場景。
玩了各樣遊戲，當然最要緊是看迪士尼的巡遊。迪士尼一晚有兩場「夜光鬼魅巡遊」，所以如果錯過了第一場，之後晚少少都還有機會可以再看。首先出來既當然就係Jack啦，之後是一眾Monsters同Zombies．．．
最後，當然唔少得Micky同Minnie。
看完巡遊，之後就玩了其他的遊戲。當我地玩Space Mountain時，女朋友很好笑。佢問點解d人一定要坐部過山車既最前果卡，佢話d遊戲只係俾小朋友玩，好似之前Winnie the Pooh同小小世界咁，行個圈就完。點知，就．．．
「出事啦！」
當架過山車一開動，四周變得一片漆黑伸手不見五指，好玩刺激既過山車就變成一間恐懼鬥室．．
玩完之後，女朋友驚到喊了出來。哈哈！
當然，記得看迪士尼的壓軸煙火表現。我自己就覺得十分之精彩！可惜自己企的位置不是太好，加上沒有帶腳架，所以就影得唔太好。
來到黑色世界，當然少不了到鬼屋探險。之前都講過，這裡有兩間鬼屋，一間係位於美國小鎮大街旁的「大街詭異酒店」，另外一間就位於比較荒蕪的「森林魔塚」。
「大街詭異酒店」係比較大間的鬼屋，裡面裝修同氣氛不錯，驚嚇位都相當多。很喜歡酒店裡的各種陳設，十分之有古舊既感覺。自己十分之鍾情古舊的物品，例如撥號電話、舊式冰室等，所以這間鬼屋十分之合我心水。建議大家看完迪士尼的煙火表現之後，就要趕快來這裡排隊。當日都等得唔算來耐，大約二十分鐘左右。之不過，全個鬼屋行程就唔算得上太長，得軒六分鐘左右。
另外一間「森林魔塚」既鬼屋唔算上多人排，可能同佢地點比較遠有關。同「大街詭異酒店」比較，唔算得上特別出色。
其實，除了鬼屋之外，樂園周圍都有很多鬼鬼的。當然，這裡的鬼既造型沒有海洋公園驚嚇，但這裡大街既氣氛唔錯，可能同周圍都有噴煙霧營做氣氛有關。自己覺得迪士尼同海洋公園，兩者定位其實好唔同，而且感受的都是不同，都值得去的。迪士尼除了鬼屋還帶俾你其他野，好似省卻很多早上要排隊玩遊戲的苦況；少見了很多「不文明」的行為，因為大部份夜晚來迪士尼的都是香港人，都很少聽到一些大呼小叫的行為。這些都是值得夜晚來迪士尼玩的原因。
三文魚係我最喜歡的食物之一。而以上既Sushi Pizza更是我的最愛。記得第一次食Sushi Pizza係在多倫多位於Downtown既Sushi Times，聽聞該店是由彭岭既老豆開。Sushi Times同其他香港既日本壽司店唔同既地方係佢有好多卷文係香港食唔到的。由於Sushi Pizza係多倫多大受歡迎，所以其後很多食店都有Sushi Pizza食。其中位於Commence Gate既竹橋拉麵店更是我的最愛。前兩年返回加拿大渡假，不知食了幾多餐。返回香港，嘗試找回此美食，找了很多年都找不到．．．
有一次，在偶然的情況下，在寶琳發現了這間日本料理有我最喜歡的Sushi Pizza。但今次介紹的是位於佢長沙灣的總店。
原來這間店都有相當既歷史，從前常常經過都唔知道有這間店。裡面裝修比較舊，但都OK。如果多人，裡面還有間獨立房可以Book。
講返我最愛既Sushi Pizza。其實材料都是很簡單，就係在煎了的米糠上加上三文魚及其他醬料等。這裡的Sushi Pizza有三種口味:北海道、銀座及東京。自己就選了東京，因為佢既toppings係三文魚及其他魚生，不過就一點辣。自己個人都是喜歡加拿大既Sushi Pizza多一點。另外兩款，北海道既toppings係熟既肉，而銀座就比較適合素食者。當晚點了一些炸物，如南瓜天婦羅，都相當有水準。另外，值得推介係佢既鰻魚壽司，入口非常有質感，味道好食及十分之大份。
小金井長沙灣總店的地址: 深水埗東沙島街167E地下
而在寶琳的地址: 將軍澳新都城一期G5-6地下
]]>
剛由海洋公園返回屋企，已經急不及待要分享今日既感受。我自己覺得今年比上年更好玩，可能同我之前參考過網上既攻略，可以不用花太多時間排隊有關。今日一早就出發，大約3:30pm左右已經到達海洋公園正門。提提大家，出發前記得上網看一看開放時間，而且要早些少到。因為今日是星期日原本係4:30pm可以入場，但不知道為什麼突然早了半個鐘開門。這半個鐘都幾緊要，因為當抵達第一間鬼屋時，就剛好開門。因為參考過網上既攻略，我同女朋友第一間去既鬼屋係．．．
我地雖然係由正門出發，但係一開始我地唔係玩近正門果幾間鬼屋，而係直接搭海洋列車上山頂玩「喪屍反擊戰」。去到都還未開始入得，但係我自己就比較擔心，所以都只係在附近影下相等開門。
「喪屍反擊戰」係需要玩家拿起「鐳射亡魂槍」射係牆上既藍色感應器的。每射中一次就會有分數，所以走果陣記得睇下自己支槍既分數呀!我自己覺得一開始玩這個鬼屋作為熱身都係一個不錯既選擇。雖然這個鬼屋既場境係室內又唔係十分之驚嚇，但娛樂性十足，所以可以很快就玩得十分之投入。記得上一年十分之失敗去了一間有室外場境既鬼屋，加上到達時候尚早，天色還未灰暗，所以玩得唔係太有Mood。另外，如果你早來這裡(六時前)，佢會俾你一張Fast Pass，十時之後可以快些去玩大樹灣既鬼屋或「哈囉喂十年回魂館」。
玩完這個，我地就馬上趕去位於大樹灣既兩間鬼屋 -- 「彭氏兄弟之童眼」及「幽靈遊樂園」。這兩間鬼屋係其中最大的兩間鬼屋，所以驚嚇程度同內裡的裝飾陳設都是最好的。我地去到大樹灣差不多5:30pm，但這兩間鬼屋還未開放，所以都需要在外面等了一陣。
「幽靈遊樂園」內裡係營造一個遊樂場既氣氛，感覺十分之不錯，驚嚇位都有很多。可能我地去到都是剛第一批入去玩既關係，所以d鬼鬼都好落力去嚇人，而我地就玩得很開心。由於那個鬼屋係入面最大既一個，所以都十分之有耐玩性。我建議大家一開始就好玩這個或童眼，因為之後我想再入去玩都沒有機會，太多人了。我估計過了九時，最少要排兩個鐘左右先入得去玩。
「彭氏兄弟之童眼」係第三間玩既鬼屋。由於之前沒有看過童眼套戲，所以玩得唔算十分之投入。不過，裡面既氣氛都唔錯。在我地等排隊入去玩時，係大街兩旁既鬼鬼都十分之吸引人。佢地既造型很靚，而自己最喜歡係那個東海龍宮既海龍王，佢行得好慢，十分之趣致可愛。如果時間夾得好的話，那裡有一些大型既Show係舞台舉行。我同婷婷就看了兩個show。第一個係叫做「魔石、血、舞池」同「群星亂舞嘉年華」。我自己就覺得魔石、血、舞池比較悶些，但係群星亂舞嘉年華就十分之精彩，還有個美麗Dancer
。
玩完幾個大型既鬼屋，我地就殺上山玩。由大樹灣電梯上來，我地第一間見到的鬼屋係「粵夜惊魂」。去到出面都唔係太多人，大約二十人左右，排一陣就已經可以入得去玩。由於已經入黑，所以氣氛都不錯。在排隊等候期間，見到一個樵夫在水裡，大家就要小心啦．．．自己覺得這個鬼屋比較短。由於有些地方在室外，所以唔算太驚嚇。不過，相比起上一年同一位置既東瀛鬼屋，我就覺得今次做得出色很多。我想可能係地點氣氛既關係，與其他鬼屋唔同，排隊既地方有一些樹木，感覺好似自己在森林迷路，突然去到另一個地方既感覺。
之後，我地就去了位於比較遠，在跳樓機附近既「巫術高校」。這個同時係我地排得最耐既地方。我建議大家可以買少少野食，一路排隊一路食，這樣就可以慳返唔少時間。提提大家今年海洋公園有一個「新」既安排，就係入場時會有一個check point，去check一check你有沒有帶一些外來既飲品同食物。據海洋公園所講，海洋公園係有一條附例係唔俾遊客帶外來既飲品同食物入公園內。之前，公園就有關既附例都沒有嚴格執行，但今次就嚴格很多，入去一定要檢查你既袋。講返間鬼屋，我自己就覺得麻麻地。可能在出面都等左幾耐既關係，入到去都沒有太大心機玩。其實來這間鬼屋係有short cut的。如果你由McDonald那裡行樓梯落去，你會見到有個牌叫你由此路進入鬼屋。如果你跟住去，就會撓了個大圈。但如果你唔理佢，再行多少少落去，過左個公廁再沿住海洋冰室上去就會快些少。
這時候大約係七點左右，我地已經玩哂山上同大樹灣既鬼屋。我地之後就返回位於海洋公園正門既鬼屋玩。經由海洋列車，很快就到達山下。一出去，第一間見到既鬼屋就係「一人火葬場」，出面排隊既人唔係好多，大約都係十多個左右。我覺得這個遊戲都幾特別，係要玩家嘗試一下訓係棺材既體驗???
記得上一年個通靈實驗室，這個我就覺得好很多。由於係一個人玩既關係，係鬼屋出面有兩個棺材等你試下夠唔夠膽訓入去。記得自己都曾經到過兩次火葬場，一次係嫲嫲過身，另一次係爺爺過身。去到火葬場都沒有太看清楚火葬場既陳設。記得那個打齋個道士，佢話仙人火葬時唔可以望住佢地火化，唔係仙人就走得唔安落。因此，自己都沒有真真正正看一看火化時是怎麼的。所以今次係一個好既機會，等大家「瞭解」一下。
再之後就去了近纜車站附近既「哈囉喂十年回魂館」。由於出面都唔係太多人，所以我地無用到張Fast Pass。這裡真係幾值得玩，裡面既陳設同自己日常生活有關，所以都幾驚嚇。我就玩左兩次多，真係幾好玩！如果叫我俾分，這個我覺得係第二好玩的。最開心就係，這裡有冷氣涼，行左咁耐，這裡排隊係比較舒服的。另一個好笑係見到海洋公園主席盛智文(Allan Zeman)自己著過既攪鬼衫既展覽。有一個造型還要是新娘裝！原來佢都係一個玩得之人。試問一個需要創意既主題公園又點可以由一個唔玩得既人做領袖？所以我都係覺得由一個鬼佬來做主席都係比中國人適合。中國人太唔玩得，時時都板起塊面。同下屬「相處」，很多時候都係扮親民，始終都有一個距離。
最後一個鬼屋就係「熱舞吸血城」，裡面係模仿Disco。不過，由於自己很少很少去，所以就唔太有感覺。同埋，我覺得都唔驚嚇的。不過，有一度係要分開男女行。自己既女朋友就驚到行都行唔到啦。我玩完哂所有的鬼屋都是8:30pm多，所以今年都有很多時間俾我去影相。唔知係唔係今年排得無咁辛苦，所以覺得今年個event都幾好。
最後，提意大家跟以上既流程行: 「喪屍反擊戰」->「幽靈遊樂園」->「彭氏兄弟之童眼」->「粵夜惊魂」->「巫術高校」->「一人火葬場」->「哈囉喂十年回魂館」->「熱舞吸血城」
]]>