農曆新年既假期轉眼就過，重返工作間，只有一個字 -- 就是「討厭」！

我真係十分之討厭現在工作的地方，沒有生機。人在這種環境工作只有越來越無癮。

我需要的是一份工作的熱誠，一份喜歡的career。除了金錢，還有工作的使命感，有意義的。還有一樣十分之緊要，就是工作環境。記得差不多兩年前，在interview時我已經表明工作環境對於我是首要的。要發揮我的長處，我要自主。但現在工作有太多限制，加上有很多唔合理的要求，工作性質有沒有意義，我真係想唔到有什麼原因要留係這間firm工作。這裡在鍾意搵87！！！！！！

還有大約三個月就離開這裡，想起都開心！六月就到南非世界盃，本來我都想去看，但係那裡治安實在太差，我最愛的意大利今次一定係陪跑份子，去看一定沒有mood。

 ＊＊＊＊＊＊＊＊＊＊＊＊  

最近時常係高登討論區追post，主要係追一位移民日本的香港人既故事。時常在想，如果係我，會唔會移民去日本，並且落地生根呢？我想都幾難，聽了很多佢所講當地的文化，我覺得自己唔太適合，特別係在當地生活要同鄰居保持一定的關係。不過，有機會的話，短時間在那裡生活，都不失為一項不錯的體驗。

再一次燃起我寫Blog既意志係近日收到Google寄來的支票。始終受人錢財，替人消災，所以當然係要努力去寫。可惜近來都沒有太多得意既野可以分享，特別係工作，一個字「悶」。

電腦有限期，而我，我的工作都只有四個月的限期。不過，還有很多想不通，都有很多顧慮。以下有一條選擇題：

一個見習律師還有四個多月就完成實習，佢有什麼選擇呢？

A. 繼續係現在既律師事務所;(按：應該唔會啦，詳情遲些再講。）

B. 去另一間律師事務所之Corporate Division工作;(按：都幾大機會，始終都qualify，應該去做一下。之不過，始終都唔係我當初想讀法律既原因。）

C. Admit左做事務所律師，之後再deregister去找師傅做Pupil。（按：這是我最想做的，不過現在都依然未拿定主意。始終要考慮的，真係太多太多，可唔可以生存？自己做唔做得來？有朋友說我應該去做，唔做過唔心息。不過同我很要好的老師兼好朋友就唔多想我去做，始終沒有事務所律師人工咁高。)

大家有什麼意見呢？

 ＊＊＊＊＊＊＊＊＊＊＊＊  

由於報了名參加２月２８日舉行的渣打馬拉松，所以今個月要積極鍛鍊。每一晚返到家都要去跑步同嘻嘻．．．係踏單車。之不過，我發覺都係跑步可以練到氣，踏單車既效果都唔係太明顯。等我依家俾大家睇下我部新單車先，現在都加了很多補品係架車度。

我學懂愛惜生命，尊重生命。任何人都沒有權利去剝奪其他生物生存的權利。自此，我愛上養魚。望著魚兒在水中游泳，覺得很開心，有一種很平靜的感覺。雖然魚兒不懂得表達給我聽，但我真徹感受到魚之樂及魚之苦。

公司的接待處擺放著一個圓形的風水魚缸，裡面養著一些黑摩利。因為大老闆篤信風水，所以魚缸上面種植了一棵萬年青。每一朝早看到那些黑摩利都覺得佢地很可憐。因為沒有氣泵的關係，萬年青的根吸收了水中一部份的氧氣，所以黑摩利常常都缺氧而死，而不是因為什麼擋了劫。在這裡工作就好像缸裡的黑摩利。老闆們為了得到更多的金錢利益，根本不理會那些幫你做野既「小黑摩利」既生存死活。朋友說：「天下烏鴉一樣黑。」但這裡的烏鴉特別黑。

莊子與惠子遊於濠梁之上。莊子曰：「鯈於出遊從容，是魚之樂也。」惠子曰：「子非我，安知我不知魚之樂？」惠子曰「我非子，固不知子矣；子固非魚也，子之不知魚樂，全矣！」莊子曰：「請循其本。」子曰『汝安知魚樂』云者，既已知吾知之而問我。我知之濠上也。」

文釋其意如下：

莊子在濠水橋上與著名的哲學家惠施一起散步。當他看見魚兒在水中悠然自得時，便對身邊的惠施說：“這是魚兒的樂趣啊！”

惠施不以為然的反問莊子：“你不是魚，怎麼知道魚兒是快樂的呢？”莊子反問說：“那麼，你不是我，怎麼知道我不瞭解魚的樂趣呢？”

兩個人你一言我一語互不相讓，惠施辯解道：“我不是你，當然不知道你的感覺。你本來就不是魚，你肯定也不會知道魚的感覺。”

莊子認為兩人爭論的焦點是“你問我怎麼知道魚兒的快？這是你承認我瞭解魚的樂趣以後才會提出的問題。”於是他告訴惠施：“那是因為我在橋上的心情很高興，所以我就認為魚兒在水中也是很快樂的。”

故 事寓意:莊子的觀點是，人既可自知，又能感知其他事物。的確，人在不斷的修正自己、修養自己的情況下，是能達到道家所謂「返本歸真」的境界的。反觀惠施的 觀點，則是以為人只能自知，而不能他知。真正原因是人們在漸漸迷失本性的當下，一切純真的本能也隨之一點一滴的在流失造成的。

大家看看我家的魚兒游得幾開心！

而我就最喜歡那些小孔雀，看到牠們就好似看到一班小朋友在追逐在玩，好似玩得很開心！

PS: 我已經買了Strida單車，踏過一次。沒有想像中那麼慢，不過seat位未調較好。試過上斜，有少少退格現像，可能單車是使用皮帶既關係而不使用傳統既單車鍊。等我遲些想想，要加裝什麼在我的車上先。想買個袋放在車尾，一個快速腳坐，一對車頭既牛角同一個靚靚車頭燈。

無可否認，Strida又幾靚仔。我最喜歡就係佢可以好方便咁摺，出入地鐵都唔怕麻煩。要知道係香港，可以騎單車的地方真係唔多。要係馬路度踏，細過既時候就未食驚，現在就真係怕怕了。香港d人揸車亂咁來，更車又貼。我都不知道為什麼條馬路咁長都要揸咁貼，講真啦，從後撞到前車，已經presume你錯，因為在馬路係strict liability，你停唔切就一定錯啦！自己唔著數都去做，真係傻！前排看到discuss既單車group，有一篇題為「在馬路騎行的感想」的一篇文章，原來很多在路上駕車的人，甚至係警察，都不知道單車都係交通工具既一種，係可以係馬路上行駛的。

之不過現在我都未決定買Strida，我是怕佢性能不比其他摺車而影響駕單車的樂趣。現在還是1516咁，究竟買Strida定係Dahon既SP8或者Jane呢? Jane個外形都幾靚，有些曲線...嘻嘻，而且還有得轉波，上斜就唔驚唔夠力啦！

自己很少就喜歡駕單車周圍去，全個地區都唔知留下幾多我既腳毛。有一樣很好笑既野。話說當年自己很喜歡一個女仔，佢係住得很近我的。記得畢業既時候，我俾左本紀念冊佢寫。而佢竟然寫最記得我就係在附近騎著淺藍色既單車，又一次差點撞向佢度...哈哈哈！電暈左，連車都唔識騎呀！

原來很多往事現在只能回味。

因為這樣較早前下定決心買了部單鏡反光機，我要學好影相！

我認為很多野都係「一理通，百理明」。法律，會計，核數，稅務。只要你明白「萬物皆有因」，一切都融會貫通。有人教你當然係好，但沒有人教，人地又沒有耐心去教，唔代表你唔會學得到。而學攝影，我想都是一樣的。多看書，多看別人的作法，瞭解佢既構圖，角度，技巧慢慢就可以學會了。不過現在離學識影相都還有一大段距離。大家睇下我買了幾多書！

學了一些構圖既技巧，連平時常常同拖肥玩的地方都有新發現！

雖則「天下烏鴉一樣黑」，但沒有比這裡更加黑。或者跟會計師打工特別衰。榨就榨到你盡，又克薄。最好就人工少少，你既工時就多多。功課不但要交足，最好佢連望都唔駛望。現在雖然轉了行，但同一樣既事情都一樣發生，幸好還有少少時間就完成training，可以離開這裡。找工作，我自己都不太擔心。加上，我自己已經一早準備好，應該都不是問題。

 ＊＊＊＊＊＊＊＊＊＊＊＊  

不知大家信不信紫微斗數呢？從前我認為係迷信，係唔科學，命運應該掌握係自己手裡。但係依家經過我多次觀察，其實都十分之可信的。

張博士係我以前讀法律既Tutor，佢就係我畢業之後唯一有keep contact既先生。佢係一個工作狂，但係除左工作，佢既唯一既興趣就係研究紫微斗數。我同幾個同學都俾佢看過，真係唔到你唔信。佢看完這個什麼宮係什麼什麼，之後就查返佢本王庭之既天書，真係十分之準確。這裡不是叫大家沈迷，而係佢有時會俾你一些指引，知道自己應該順景時要點做，唔順景時就要特別注意什麼什麼。

大家好像覺得作為律師係唔應該信一些咁唔科學既野。但我經過我自己的親身體驗同觀察都紫微斗數點講我既其他同學，我就覺得紫微斗數都係信得過的。係行業之中，數最信風水命理其中一個就係陳景生資深大律師。

從來我對宗教或命理都唔會一開始就十分之抗拒。始終人所知道的是十分之有限。記得有一次自己夜晚訓訓下，全身都動不到。突然之間，有一本聖經不知從那裡飛來，咁我就可以動了，之後就醒了。所以，說實的，世界上很多野都解釋不來的。

刑事法看來好像很簡單，因為刑事案件通常著重個案件事實，而很少就法律有爭辯。但刑事法有一樣很抽象的概念，就是犯罪的意圖。

通常什麼才謂之某人干犯某種罪行？一就是犯罪的行政院，二就是犯罪的意圖。

意圖可以分為廣義或者狹義。狹義就是某人有意出該結果因該行為而產生(R v Steane [1947]KB 997)；而廣義就是某人有意該結果因該行為而產生，就算某人沒有希望該結果產生(R v Mohan [1976] 1 QB 1)。聽來真係十分之抽象，很難明白。

或者自己不是讀哲學出身，亦都很少讀一些哲學書。我就最怕一些抽象概念。記得在大學讀法律時，自己考得最差的就是那科Jurisprudence。其實現在都唔知佢教緊什麼的，一來當時的老師實在太過差，二來自己對這些抽象概念完全沒有任何念頭。

我自己都是喜歡實實在在的，可以觸摸得到，感受得到，心裡就覺得安心很多。

今天去了灣仔海濱寵物公園同拖肥玩，已經很久沒有去那裡了。今個月27日就係灣仔海濱寵物公園最後一天了，遲些這裡會關閉興建灣仔繞道。

係香港可以有一大片地方同狗狗玩真係唔容易，所以現在要關閉真係十分之可惜。今日拖肥玩得好開心，去到剛巧愛護動物協會有function去同灣仔海濱寵物公園say goodbye。愛護動物協會有好多攤位俾d狗狗同主人玩。其中一個係要狗狗穿過一個長長的洞去另外一邊。大家都知道拖肥十分之細膽，有唔識做很多動作，最叻都係識得sit同down，所以我都估唔到佢竟然會做得到。哈哈，真係十分之開心。大家睇下，佢有第一名呀！

哈哈，其實佢只係擺pose影相。不過佢都幾叻的．．．

之不過，去完之後要去看醫生。因為琴晚開始，佢都一路咳嗽，我好擔心，所以即刻同佢去睇求個安心。醫生話佢沒有大礙，我都放心好多。個衰仔現在玩完返來，連藥都未食都已經沒有咳了！！

今日我同拖肥玩得好開心，我相信身邊那位都一樣開心，係唔係？

 ＊＊＊＊＊＊＊＊＊＊＊＊  

星期五反高鐵我都有參加。看到很多後生仔都會不公不義的事出來抗爭，我覺得好感動。現在很多人時時都話反高鐵就係阻礙香港發展的罪魁禍首。我聽到很反感，其實我相信很多人不是反對起高鐵，而係俾政府樣樣都打橫黎而反感的。高鐵係要起，但唔係好似現在咁倉卒。你要係果度起，就一定要果度起，連傾都沒有得傾！！！

有時，我在想為什麼咁多人都願意為公義去爭取，我自己就唔得呢？大家放心，我係唔會去衝擊的。沒有辦法，現在做律師有很多野唔做得。但可否換另一種方法去爭取公義呢？

我想我已經找到心裡的答案了！始終生命無take two，現在唔做何時先做呢？最多食少d，但都應該夠生存的。

相信來年的轉變會更大。

決定要轉變已經是很早的事。要迎接這個轉變，我一早已經準備好。倒完數，新的挑戰就在眼前，要勇敢堅定向前邁進。現在自己還有很多野要去改進。在還有不足半年內，我要把握時間去改變。

 ＊＊＊＊＊＊＊＊＊＊＊＊  

 最近買了很多新玩意。其中花得最多時間去研究就是剛買回來的單鏡反光機。Canon EOS 500D，我看了很多評價都話這部很適合新手入門用。同時，自己都買了很多書，學習構圖同其他技巧。哈哈，將來影相應該唔會再無手無腳啦！

之不過，有時要拍出一幅感動人的照片，可以帶出一些訊息的，都不是易事。現在比較得閒，終於可以有時間去做自己野了。之前，很多時間都花在考試。真係難得可以有多些時間增加自己的知識。要增進知識，我自己就很喜歡上堂。每每遇到一些有興趣的CPD Course我都會上的。

今天就寫到這裡，很久沒有寫過Blog。遲些會多些時間寫...

最後，分享一下我係Law Soc買的熊仔，好得意的　＾＿＾

以後，小朋友的故事書裡面出現了這樣的一則童話:

因為爸爸的婚外情，我們一家就過著很幸福的生活---

爸爸跟媽媽結婚10天後就跟一個老女人搭上，跟她發生性行為，除了幫她算命，還幫她按摩全身，拍親密錄影帶…

自此，我們一家人就過著很幸福的生活: 住寶雲道獨立屋，去旅行有私人飛機接送，平日出入有保鑣。

好比倪震，好比謝偉俊，正當其他男人被揭發對伴侶不忠都遮遮奄奄尷尷尬尬的同時，爸爸為他的婚外情感到無比驕傲 還主動提供跟老女人的親密合照，私房錄影帶，遺囑等作為證明他跟
老女人的親密關係的證據。

雖然爸爸跟第二個女人有染，媽媽並沒有感到不光彩，她真是世界上最幸福的一個大婆。

如果那些證據能夠證明爸爸跟那個老女人的關係，我們這一家以後都可以過更幸福的生活了。

爸爸十多年來默默經營的一段婚外情，為我們一家帶來一段幸福美滿的生活。

媽媽和我們自此富富貴貴，無憂無慮，快快樂樂的生活著，直到永遠…

係唔係好好味呢？最緊要係佢鐘意食，我一見到佢開心果樣，什麼唔開心都唔記得了。今天雖然又是非我所願工作到很夜先可以收工，亦都是再一次唔能夠在重要的時候慶祝，我希望「仔仔」唔會怪我啦！

「呀仔」都好似幾鐘意隻雞脾。我一返來第一年事就是送了隻雞脾俾佢玩，佢都玩得很開心呀。一搶就搶了入房玩，驚人搶返佢甘。扮下野搶佢，佢就呼我，哈哈．．．

不過「衰仔」似乎都是喜歡食多些，你睇佢果樣金精火眼望到個蛋糕實一實，幾甘開心～～～

希望今日早些放工，可以早些返來同佢慶祝！

希望星期二可以早走些，因為佢係我最重要的拖肥。在我最唔開心，最唔開心的時候，佢就是在我的身邊不離不棄。

今天很慘，身體仲未好返，最慘係條脷很痛，連食什麼野都痛。全日只係食了很少野，一碗少少的魚蛋河。唉，所有其他野都食唔到。現在連人飲水同講野都痛，很嚴重，好辛苦。

剛剛在Iphone看新出的Open Rice App。有好多野睇，出街食野一定靠佢。佢比其他同類的App好就是那個勁大的食評data base。本來之前都想試下西灣河的大Sushi，但原來佢既服務係甘差的，好彩有open rice。

在這律師事務所返了差不多一年，已經病了四五次。自己之前返工同讀書，身體都沒有甘差的。真的不知道為什麼？可能office d空氣唔太好，自己對空氣又特別敏感所致。媽媽看來已經好了，還suggest我多做運動，買到跑步機返來．．．不過，很貴的。都是自己得閒去做多些運動。

現在唔講了，隻眼一看個screen就勁留眼水，很辛苦，遲些談吧!